Ինֆորմատիկան միջին դպրոցում

Ժամանակակից ինֆորմացիոն տեխնոլոգիաների բուռն զարգացման պայմաններում փոփոխության է ենթարկվում «Ինֆորմատիկա» առարկայի ուսուցման նպատակը, բովանդակությունը, մոտեցումները, մեթոդները։ Ուսուցման մեթոդներն երկու խումբ են կազմում՝ ավանդական և ժամանակակից: Ավանդական են համարվում բացատրական զննական այն մեթոդները, որոնց հիմքում ընկած են պատրաստի տեղեկատվության (գիտելիքի) պարզ փոխանցումը սովորողին և վերջինիս կողմից դրա պարզ վերարտադրումը: Ժամանակակից մեթոդների հիմքում ընկած է սովորողի ինքնուրույն ուսումնական գործունեությունը, գիտելիքի ձեռքբերման գործընթացում նրա անմիջական, ակտիվ մասնակցությունը, ժամանակակից տեխնոլոգիաների կիրառումը: Կրթության նպատակներն իրականացնելու, արդյունավետ ուսուցում կազմակերպելու համար կարևոր նշանակություն ունի ուսուցման մեթոդների և տեխնոլոգիաների ընտրությունը: Ինֆորմացիոն տեխնոլոգիաների զարգացման տեմպը, ուսուցման ժամանակակից մեթոդները, սովորողների անընդհատ ինքնակրթությունը և զարգացումը հանգեցրեց դպրոցի ուսումնական գործընթացում նոր՝ «Թվային գրագիտություն և համակարգչային գիտություն» /«ԹԳՀԳ»/ առարկայի ներդրման անհրաժեշտությանը։ «Թվային գրագիտություն և համակարգչային գիտություն» /«ԹԳՀԳ»/ առարկան իր բովանդակությամբ, ուսուցման նպատակներով և խնդիրներով թույլ կտա սովորողին կրտսեր դպրոցից /2-րդ դասարանից/ սկսել առնչվել տեխնոլոգիաների հետ: Նկատի ունենալով այն հանգամանքը, որ այս պահին դեռ ամբողջությամբ չի իրականացվել Ինֆորմատիկայից անցում դեպի «Թվային գրագիտություն և համակարգչային գիտություն»։