Գրաֆիկական խմբագրիչներ

Ինչ է գրաֆիկական խմբագրիչը

Համակարգչային ծրագրերը, որոնք օգնում են բազմազան նկարներ ստեղծել, անվանում են գրաֆիկական խմբագրիչներ։ Խմբագրիչներ են կոչվում այն պատճառով, որ նկարելուց զատ թույլատրում են նաև ստեղծված նկարները փոփոխել, մշակել, կատարելագործել։ Մենք կուսումնասիրենք համակարգչային ամենապարզ, լայնորեն կիրառվող խմբագրիչներից մեկը, որն անվանում են Paint: Paint-ը կետային գրաֆիկական խմբագրիչ է։ Այսպիսի խմբագրիչները պատկերը ստեղծում են էկրանին լուսավորվող մանրագույն կետերի՝ փիքսելների միջոցով։ էկրանին եղած փիքսելներն անտեսանելի են, քանի որ շատ փոքր են, սակայն իրար մոտ լինելով՝ միասնական պատկեր են ստեղծում։ Քանի որ էկրանին առկա փիքսելները հորիզոնական տողերով ու ուղղաձիգ սյուներով կարծես ցանց են կազմում, ուստի կետային գրաֆիկական խմբագրիչները նաև ցանցային են անվանում։ Գրաֆիկական խմբագրիչների դասին են պատկանում Adobe Photoshop, CorelDRAW ծրագրերը։